/2024.05.16/ Дорноговь аймгийн Эрдэнэ сумын түүхт 100-н жилийн ойг угтсан ажлын хүрээнд сумын "БИД ЭРДЭНИЙН ИРЭЭДҮЙ" хүүхдийн IX чуулган зохион байгуулагдлаа. 

Чуулганд сумын Иргэдийн Төлөөлөгчдийн Хурлын дарга Э.Ганбаяр оролцож, баяр хүргэн сурлага, урлаг, спортоор өндөр амжилт гаргасан зарим сурагчдыг сумын Иргэдийн төлөөлөгчдийн Хурлын даргын өргөмжлөл, хүмүүнлэгийн үйлсэд хамтран зүтгэгч хүүхдүүдийн төлөөлөлд Улаан загалмайн нийгэмлэгийн шагналыг гардуулан өглөө. 

Мөн чуулганд Манлайллын эхлэл сургалтын төвийн лектор багш Д.Мөнх-Эрдэнэ урилгаар оролцож, "Боловсролыг брэнд болгоё" сургалтыг зохион байгууллаа.